Նախագահ Սերժ Սարգսյանը օգոստոսի 10-ին աշխատանքային այցով կմեկնի Ռուսաստանի Դաշնություն:
Այցի շրջանակում Հանրապետության նախագահը Մոսկվայում հանդիպում կունենա ՌԴ նախագահ Վլադիմիր Պուտինի հետ:
Բարձր մակարդակի բանակցությունների ընթացքում նախատեսվում է քննարկել ռազմավարական գործընկեր երկու պետության միջև մի շարք ոլորտներում՝ քաղաքական, առևտրատնտեսական, հումանիտար, երկկողմ փոխգործակցության օրակարգի առանցքային հարցեր, ինչպես նաև եվրասիական տարածքում ինտեգրացիոն գործընթացների զարգացմանը վերաբերող հարցեր:
Նախագահներ Սերժ Սարգսյանը և Վլադիմիր Պուտինը մտքեր կփոխանակեն նաև միջազգային և տարածաշրջանային մի շարք արդիական խնդիրների շուրջ:
ՌԴ նախագահ Վլադիմիր Պուտինը օգոստոսի 8-ին կմեկնի Բաքու: Այցի ընթացքում Պուտինը կմասնակցի Ադրբեջան-Իրան-Ռուսաստան եռակողմ հանդիպմանը: Ակնկալվում է, որ ՌԴ նախագահ Վլադիմիր Պուտինը, Ադրբեջանի նախագահ Իլհամ Ալիևն ու Իրանի նախագահ Հասան Ռոհանին կքննարկեն միջազգային և տարածաշրջանային քաղաքականության ակտուալ խնդիրները, ինչպես նաև եռակողմ համագործակցության հեռանկարները, մասնավորապես, էներգետիկայի և տրանսպորտի ոլորտներում:
