Երևանի թատրոնի և կինոյի ինստիտուտի ուսանողներն արժանացել են JoyFest-ի մրցանակների
Երևանի թատրոնի և կինոյի պետական ինստիտուտի «Տիկնիկային թատրոնի դերասան» 4-րդ կուրսի ուսանողները մասնակցել են Կիևում կայացած JoyFest միջազգային 4-րդ թատերական փառատոնին`ՀՀ մշակույթի նախարարության աջակցությամբ:
Փառատոնին հայ ուսանողները ներկայացել էին «Կարճ պատմություններ» վերնագրով բեմադրությամբ: Դասական և ժամանակակից դրամատուրգների պիեսների հատընտիր հատվածների հիման վրա կառուցված ներկայացումը երկու անվանակարգում արժանացել է մրցանակների:
«Լավագույն ռեժիսուրա» անվանակարգում մրցանակի է արժանացել Զառա Անտոնյանը, իսկ «Լավագույն դերասանուհի» անվանակարգում՝ Մարիետա Դովլաթբեկյանը:
