ԱՄՆ պաշտպանության նախարար էշթոն Քարթերը հայտարարել է, որ ԱՄՆ-ն շարունակում է բանակցությունները Թուրքիայի հետ ԻՊ գրոհայիններից սիրիական Ռաքքա քաղաքի ազատագրման գործողության վերաբերյալ:
«Մենք մտադիր ենք շուտով շարժվել այդ ուղղությամբ այն ուժերի հետ, որոնք ունակ են դրան, շրջափակել Ռաքքան…և ի վերջո ազատագրել: Մենք շարունակում ենք բանակցությունները Թուրքիայի հետ այդ հարցի շուրջ, այդ երկրի հնարավոր դերի մասին»,-ասել է Քարթերը, գրում է ՌԻԱ Նովոստին Reuters-ի վրա հղումով:
Ավելի վաղ Քարթերը հայտարարել էր, որ ԱՄՆ գլխավորած կոալիցիան մտադիր ԻՊ «մայրաքաղաքը» համարվող Ռաքքայի ազատագրման գործողություն ձեռնարկել: Ինչպես ասել էր Թուրքիայի պաշտպանության նախարար Ֆիքրի Իշիկը Քարթերի հետ բանակցությունների ավարտին, գործողության ընթացքում ԱՄՆ-ն պատրաստ է համագործակցել Թուրքիայի հետ:
Նոյեմբերի 2-ին Թուրքիայի ԱԳ նախարար Մևլութ Չավուշօղլուն նշել է, որ Թուրքիան ինքնուրույն գործողություն չի անցկացնի սիրիական Ռաքքայում:
