Նյու Յորքում բողոքի ցույց է տեղի ունեցել ընդդեմ ԱՄՆ նորընտիր նախագահ Դոնալդ Թրամփի: Բողոքի ակցիային մասնակցել են Նյու Յորքի քաղաքապետ Բիլ դեԲլազիոն, հոլիվուդյան աստղեր Ռոբերտ դե Նիրոն, Մարկ Ռուֆֆալոն, Ալեքս Բոլդուինը, ռեժիսոր Մայքլ Մուրը, երգչուհի Շերը: Ցույցը տեղի է ունեցել հունվարի 19-ին` նորընտիր նախագահի երդմնակալության նախորդ օրը:
Ընդհանուր առմամբ մի քանի հազար մարդ է դուրս եկել փողոց: Նրանք հավաքվել են Trump Tower երկնաքերի մոտ, որը հանրապետականների «կենտրոնակայնն է» համարվում:
Ռոբերտ դե Նիրոն իր ելույթում ասել է, որ Թրամփը «վատ օրինակ է երկրի համար: Մենք կընդդիմանանք, մենք դիմադրություն ցույց կտանք, քանի որ վտանգված է այն ամենն, ինչ մենք սիրում ենք»:
Ակցիայի ընդհանուր կարգախոսն էր WeStandUnited («Մենք միասին ենք»), այդ կոչը տարածվել է սոցցանցերում, հայտնում է ՌԻԱ Նովոստին:
Բողոքողները քննադատել են Թրամփին ռասայական և կրոնական խտրականության համար և հանդես են եկել ի պաշտպանություն ներգաղթյալների իրավունքների և բուժապահովագրության օգտին:
ԱՄՆ նորընտիր նախագահ Դոնալդ Թրամփի երդմնակալության արարողությունը տեղի կունենա հունվարի 20-ին:
