Իրաքի ուժայինները հսկողության տակ են առել դեպի արևմտայն Մոսուլի պատմական մասը տանող կամուրջը, որը «Իսլամական պետության» գրոհայինների ձեռքում էր:
Ալ Հուրիա կամուրջը երկրորդ կամուրջն է, որն ուժայիններին հաջողվել է գրավել արևմտայն Մոսուլի ազատագրման մեկնարկից հետո: Տիգրիս գետի վրայով անցնող բոլոր 5 կամուրջները ոչնչացված են, սակայն այդ վայրերում վերահսկողության հաստատումն ու դրանց վերականգնումը կնպաստի զինվորականներին ԻՊ դեմ գործողություններում, հայտնում է ՌԻԱ Նովոստին Reuters-ի վրա հղումով:
Իրաքի բանակը շարունակում է հարձակումը Մոսուլի արևմտյան մասում: Քաղաքի ազատագրման գործողությունը սկսվել է 2016-ի հոկտեմբերին ԱՄՆ գլխավորած միջազգային կոալիցիայի աջակցությամբ: Ահաբեկիչները կորցրել են շրջաններից շատերը Մոսուլի արևելքում, սակայն արևմտյան մասը Տիգրիսի մյուս ափին մնում է գրոհայինների հսկողության տակ:
