Արցախում մարտի 6-ին գրանցված երկրաշարժի հետևանքով մարդկային կորուստներ և ավերածություններ չկան: Այդ մասին հայտնել է Արցախի Հանրապետության վարչապետի մամուլի խոսնակ Արտակ Բեգլարյանն իր ֆեյսբուքյան էջում։
Գրառման մեջ ասվում է, որ մարտի 6-ին տեղական ժամանակով ժամը 10:24-ին, Քարվաճառ քաղաքից 28 կմ դեպի հյուսիս-արևելք հատվածում, 10 կմ խորությամբ տեղի է ունեցել երկրաշարժ՝ 3,4 մագնիտուդ հզորությամբ:
«Տեղեկացնեմ, որ երկրաշարժի հետևանքով մարդկային կորուստներ և ավերածություններ չկան, ճանապարհները նույնպես չեն վնասվել: Միայն էպիկենտրոնին մոտիկ մի քանի գյուղում գրանցվել են որոշ փոքր վնասներ, մասնավորապես՝ պատերի ճեղքերի առաջացում կամ խորացում: Իրավիճակը հանգիստ է, խուճապային տրամադրություններ չկան բնակչության մոտ», - ասվում է Արտակ Բեգլարյանի գրառման մեջ:
