ԱՄՆ գլխավորած կոալիցիան նոր ավիահարվածներ է հասցրել Սիրիայում՝ թիրախավորելով նախագահ Բաշար Ասադի կողմնակից ուժերին:
Կոալիցիայի ավիահարվածների հետևանքով զոհվել է սիրիական բանակի 2 զինծառայող, ավելի քան տասնհինգը վիրավորվել են, հայտնում է ՌԻԱ Նովոստի գործակալությունը:
«Չնայած նախկին զգուշացումներին, ռեժիմի ուժերը մտել են նախօրոք համաձայնեցված ապառազմականացման շրջան»,- նշված է ԱՄՆ Կենտրոնական հրամանատարության տարածած հայտարարության մեջ։
Նշվում է, որ խոսքը տանկերի, ծանր տեխնիկայի, զրահակիրների մասին է:
Վաշինգտոնում ընդգծել են, որ զինվորները սպառնացել են կոալիցիայի և նրա գործընկերների ուժերին, որոնք գտնվել Աթ-Տանֆ բազայում։
Մայիսի լույս 6-ի գիշերը Սիրիայում ուժի մեջ է մտել անվտանգության գոտիների մասին հուշագիրը: Փաստաթուղթը ստորագրել են միջսիրիական բանակցությունների մասնակիցներ ՌԴ-ն, Իրանը և Թուրքիան Աստանայում մայիսի 4-ին տեղի ունեցած հանդիպմանը:
Սիրիայի տարածքում, ըստ պայմանավորվածության, 4 գոտի է ստեղծվել, որտեղ ռազմական գործողությունները պետք է դադարեցվեն:
