Ադրբեջանցի խաղաղապահները ետ կկանչվեն Կոսովոյից: Այդ մասին հաղորդել է Միլի մեջլիսի անվտանգության եւ պաշտպանության հարցերի հիմնական հանձնաժողովի անդամ Զահիդ Օրուջը: Նրա խոսքերով, խորհրդարանը ստացել է Ադրբեջանի նախագահի դիմումը:

«Կոսովոյում քաղաքական իրավիճակի կապակցությամբ, Ադրբեջանի խաղաղապահ գումարտակը, որն իր առաքելությունը կատարում է Թուրքիայի Զինված ուժերի համակազմում, ետ կկանչվի: Այդ հարցը կքննարկվի հանձնաժողովի նիստում»,-ասել է Օրուջը: Նա ընդգծել է, որ Ադրբեջանի այդ քայլը շատ կարեւոր է: «Ադրբեջանը ռազմական քայլեր է ձեռնարկում քաղաքական իրավիճակին համապատասխան»,-նշել է նա, հաղորդում է ԱՊԱ-ն: