ՌԴ նախագահի «Ռուսաստանի առաջնորդներ» համառուսաստանյան մրցույթի եզրափակիչ անցած մասնակիցների ցանկում երկու հայկական ազգանուն կա: Եզրափակչում է հայտնվել Սամվել Ավետիսյանը Սանկտ Պետերբուրգից, որը ներկայացնում է «Յուպիտեր» ՍՊԸ-ն ինժեներատեխնիկական նախագծման ոլորտից:
Եզրափակիչ է անցել նաև «Ստրոյտրանսնեֆետեգազ» ԲԸ գծային շինարարության զոդման աշխատանքների տեխնոլոգիաների խմբի ղեկավար Ավետիս Ասատրյանը:
Ինչպես ասվում է մրցույթի կայքում, եզրափակիչ է անցել 300 մասնակից, որոնցից յուրաքանչյուրը ՌԴ նախագահ Վլադիմիր Պուտինի որոշմամբ 1 մլն ռուբլու չափով դրամաշնորհ կստանա ուսման համար: Նրանք կարող են ընտրել ՌԴ ցանկացած ուսումնական հաստատություն, որը կրթական արտոնագիր ունի:
Մրցույթի 103 հաղթողը մեկ տարվա ընթացքում խորհրդատություն կստանա նախագծի համակարգողներից, որոնց թվում են պետկառավարման մարմինների աշխատակիցներ, առաջատար մենեջերներ:
