Հուլիսի լույս 3-ի գիշերն Ադրբեջանի ամբողջ տարածքը հոսանքազրկվել էր: Ըստ չճշտված տվյալների, վթար է տեղի ունեցել Ադրբեջանի ամենամեծ հիդրոէլեկտրակայանում՝ Մինգեչաուրի ՀԷԿ-ում, որն ապահովում է ամբողջ երկրի էներգամատակարարումը:
Գլոբալ վթարի պատճառները հայտնի չեն, գրում է Haqqin.az-ը:
Տևական ժամանակ չկար նաև պաշտոնական հաղորդագրություն, ինչը դարձել էր խուճապի պատճառ բնակչության շրջանում:
Ավելի ուշ հայտարարություն է տարածել Ադրբեջանի նախագահի մամուլի ծառայությունը: «Հուլիսի լույս 3-ի գիշերը եղանակային պայմանների փոփոխության և Ադրբեջանի տարածքում անոմալ շոգի պատճառով էլեկտրաէներգիայի գերծախսի հետևանքով, շարքից դուրս է եկել Մինգեչաուրի ՀԷԿ-ի տրանսֆորմատորը: Ընթանում են վերանորոգման աշխատանքներ», - ասվում է հայտարարության մեջ: Նշվում է, որ իրավիճակը վերահսկում է նախագահ Ալիևը:
Էլեկտրամատակարարումը որոշ շրջաններում արդեն վերականգնվել է:
