ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի հետ Սոչիում կայացած հանդիպմանն ընդգծել է երկու երկրների հարաբերությունների ռազմավարական բնույթն ու շնորհակալություն հայտնել Ալիևին այցի համար, հայտնում է ՌԻԱ Նովոստին:
«Մենք համագործակցության շատ մեծ շրջանակ ունենք, և անվանում ենք դա ռազմավարական գործընկերություն: Հարաբերությունները զարգանում են և քաղաքական, և տնտեսական ուղղություններով»,-ասել է Պուտինը՝ նշելով նաև ապրանքաշրջանառության աճը երկու երկրների միջև:
«Քաղաքացիական նշանակության արտադրանքի վաճառքն աճել է 20 տոկոսով, դա լավ է, դա լավ ցուցանիշ է: Սակայն, բնականաբար, մենք միշտ ունենք խոսելիք, և ես շատ ուրախ եմ, որ դուք ընդունեցիք հրավերն ու այժմ Ռուսաստանում եք»,-ասել է Պուտինը:
Պուտինն ու Ալիևը բանակցությունների ավարտին համագործակցության ընդլայնման վերաբերյալ փաստաթղթերի փաթեթ են ստորագրել, հիմնականում տնտեսական գործակցության մասին: Նախատեսվում է Ադրբեջանում ռուսական մասնակցությամբ համատեղ ձեռնարկությունների ստեղծում:
Ավելի վաղ հայտարարվել էր, որ ՌԴ և Ադրբեջանի նախագահները քննարկվելու են Անդրկասպյան գազամուղի, Լեռնային Ղարաբաղի, զենքի մատակարարումների և այլ հարցեր: