«Պետական աջակցություն գյուղատնտեսական հողօգտագործողներին մատչելի գներով դիզելային վառելիքի ձեռքբերման ծրագրի» շրջանակում կբավարարվի Արցախի Հանրապետության գյուղատնտեսության նախարարի սեպտեմբերի 18-ի գրությամբ ներկայացված 460,000 լիտր դիզելային վառելիքի պահանջարկը: Համապատասխան որոշման նախագիծը տեղադրված է իրավական ակտերի նախագծերի հրապարակման միասնական կայքում:
2018 թվականին ծրագրի շրջանակում ՀՀ-ի հողօգտագործողներին նախատեսվել է հատկացնել մինչև 6 մլն լիտր դիզելային վառելիք, որից 2018 թվականի նոյեմբերի 22-ի դրությամբ փաստացի բաշխվել է 1.409 մլն լիտր:
Գյուղատնտեսական աշխատանքների իրականացման գործում գյուղացիական տնտեսություններին աջակցելու նպատակով 2012 - 2018 թվականներին իրականացվել են Հայաստանի Հանրապետության հողօգտագործողներին դիզելային վառելիքի և պարարտանյութերի մատչելի գներով ձեռքբերման պետական աջակցության 18 ծրագիր:
