ՀՀ արդարադատության նախարար Ռուստամ Բադասյանը դիմել է Վենետիկի հանձնաժողովին՝ Եվրոպայի խորհրդի Ստամբուլյան կոնվենցիայի առնչությամբ հատուկ կարծիք ստանալու համար: Այս մասին հայտնում է Վենետիկի հանձնաժողովի պաշտոնական կայքը:
«ՀՀ արդարադատության նախարար Ռուստամ Բադասյանը դիմել է Վենետիկի հանձնաժողովին՝ Եվրոպայի խորհրդի «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին» կոնվենցիայի վավերացման սահմանադրական հետևանքների առնչությամբ կարծիք ստանալու համար»,-նշված է հանձնաժողովի կայքում:
Նախարար Բադասյանն էլ պարզաբանել է, որ կոնվենցիայի շուրջ առաջացած մտահոգությունները հաշվի առնելով է դիմել Վենետիկի հանձնաժողով՝ ստանալու Հանձնաժողովի պաշտոնական կարծիքը ՀՀ Սահմանադրության տեսանկյունից Կոնվենցիայի վավերացման ազդեցության վերաբերյալ:
«Հանձնաժողովի կարծիքը ստանալուն պես Արդարադատության նախարարությունն այն կհրապարակի», - ասել է նախարարը:
