Ryanair բյուջետային ավիաընկերության Միլան-Երևաներթուղով թռիչք իրականացնող օդանավը հունվարի 14-ին վայրէջք կկատարի «Զվարթնոց» օդանավակայանում ժամը 15:30-ին, հայտնում են էկոնոմիկայի նախարարությունից:

Ավելի վաղ ՀՀ քաղավիացիայի կոմիտեն տեղեկացրել էր, որ հունվարի 14-ին նախատեսված Ryanair-ի առաջին թռիչքները դեպի «Զվարթնոց» Հռոմից և Միլանից կիրականացվեն ուշացումներով:

Բանն այն է, որ Իտալիայի Օդային երթևեկության կառավարման որոշ արհմիությունների հունվարի 14-ին գործադուլ են հայտարարվել ՝ չորս ժամ տևողությամբ, ինչն էլ թռիչքների ուշացումների պատճառ է դարձել:

Հռոմ – Երևան FR4454 չվերթը Հռոմի օդանավակայանից կմեկնի Հռոմի ժամանակով ժամը 17:00-ին:

Երևան - Հռոմ FR4455 չվերթը «Զվարթնոցից» կմեկնի հունվարի 15-ին՝ տեղական ժամանակով 00:20-ին:

Քաղավիացիայի կոմիտեն ուղևորներին հորդորում է հետևել Ryanair-ի հաղորդագրություններին։