19 փետրվարի 2020 - 10:19 AMT
«Մաթևոսյան Վայն». Գինիների արտադրության մեծ բիզնես դարձած հոբբին

18 տարի առաջ Վահրամ Մաթևոսյանը Վայոց ձորի Աղավնաձոր գյուղում ընտանիքի հետ սկսեց «Մաթևոսյան Վայն» գինիների արտադրությունը։ Սկզբում գինեգործությունը հոբբի էր. գինիները Մաթևոսյանները պատրաստում էին ընկերների համար: Հետո կառուցեցին գինու գործարան և հայր ու որդի սկսեցին զբաղվել գինիների արտադրությամբ, արդյունքում հիմնվեց ընտանեկան բիզնես:

Վահրամ Մաթևոսյանի որդին՝ Վազգենը, հիշում է. նոր էր վերադարձել զինվորական ծառայությունից, երբ հայրը սկսեց գինի արտադրել: Գործը ռիսկային էր: 3 ամսում կառուցեցին գործարանն ու խաղողի առաջին մթերումն արեցին:

Մաթևոսյանների ձեռնարկած գործին առաջինը հավատաց ԱԿԲԱ-ԿՐԵԴԻՏ ԱԳՐԻԿՈԼ Բանկը: Գործարանը կառուցելու, մթերման և արտադրական գործընթացները կազմակերպելու համար Մաթևոսյանների աջակիցը հենց գործընկեր բանկն էր:

«Այս գործում դրված է քրտինք, ուժ և ընտանիք է աշխատում։ Որակին հետևում ենք անձամբ: Խաղողը ես եմ մթերում ու որակը ստուգում, հայրս էլ միշտ վերահսկում է: Գործարանի կառուցման առաջին իսկ օրվանից ԱԿԲԱ-ԿՐԵԴԻՏ ԱԳՐԻԿՈԼ Բանկն ամուր կանգնած է մեր կողքին ու աջակցել է մթերումների, սարքավորումների ձեռքբերման և արտահանման ժամանակ, նաև՝ ֆինանսական, խորհրդատվական հարցերում, ինչի արդյունքում այսքան զարգացել ենք։ ԱԿԲԱ-ն իմ բանկն է, ես այդպես եմ համարում»,- ասում է Վազգենը։

Բանկը վերահսկվում է Կենտրոնական բանկի կողմից: