ՀՀ տնտեսական աճը 2020-ի արդյունքներով կլինի բացասական՝ զգալիորեն ավելի ցածր նախորդ կանխատեսումներից: Այդ մասին հայտարարել է ԿԲ նախագահ Մարտին Գալստյանը՝ ԱԺ ֆինանսավարկային և բյուջետային հարցերի հանձնաժողովի նիստում անդրադառնալով կորոնավիրուսի տնտեսական հետևանքներին, գրում է «Առավոտը»։
Նա հավելել է, որ անորոշությամբ պայմանավորված՝ կգրանցվի նաև մասնավոր սպառման և ներդրումների կրճատում:
Ըստ Գալստյանի՝ համավարակից առավել տուժած ոլորտներն են՝ կացությունն ու սնունդը, տրանսպորտը, տուրիզմը, սպասարկման ծառայությունները, շինարարությունը։
«Իսկ գյուղատնտեսության վրա այն գրեթե ազդեցություն չի ունենա»,- նշել է նա:
ԿԲ նախագահը նաև հայտնել է, որ գնաճի տոկոսը, ընդհանուր առմամբ, ցածր է: Գալստյանի խոսքով՝ ցանկացած զարգացման պարագայում կենտրոնական բանկը պատրաստ է ապահովելու գների կայունությունը Հայաստանում:
Վարչապետ Նիկոլ Փաշինյանը հունիսի 15-ին Կենտրոնական բանկի աշխատակազմին է ներկայացրել ԿԲ նորընտիր նախագահ Մարտին Գալստյանին։
