«Հայաստան» համահայկական հիմնադրամը $8 մլն չի կանխիկացրել ու չի յուրացրել, տարածված լուրը կեղծ է, հերքել են հիմնադրամից։
Հիմնադրամից նշել են, թե «անհեթեթություն է և ապատեղեկատվություն» է լուրը, իբրև միջազգային աուդիտը չի հաստատել Ֆինանսների նախարարության կողմից Հիմնադրամ ներկայացված ծախսերը։ Այդ աուդիտը դեռ ընթացքի մեջ է և չի ավարտվել։
«Տարածված մյուս պնդումն առ այն, որ Հիմնադրամից 8 միլիոն դոլարը կանխիկացվել և յուրացվել է, ևս կեղծ տեղեկատվություն է»,- ասվում է հաղորդագրությունում։
«Հայաստան» համահայկական հիմնադրամն Արցախի դեմ սանձազերծված պատերազմից ամբողջ ընթացքում ու դրանից հետո դրամահավաք է իրականացնում՝ հումանիտար կարիքների համար։ Հիմնադրամի ծախսերի մասին հաշվետվություններ ներկայացնելու պահանջ ավելի վաղ դնում էին նաև ընդդիմանդիր խմբակցությունների պատգամավորները։
