Ամերիկյան սթրիմինգային Netflix տեսածառայությունը գնել է ռուսաստանաբնակ հայ ռեժիսոր Սարիկ Անդրեասյանի «Երկրաշարժ» ֆիլմը, տեղեկացնում է ՏԱՍՍ-ը՝ «Մարս մեդիա» կինոընկերության մամուլի ծառայության վրա հղումով։
Netflix-ը ձեռք է բերել նաև Հրաչյա Քեշիշյանի «Շնորհակալություն, հայրիկ» ֆիլմը։
«Մեր ընկերության 5 ֆիլմ է վաճառվել Netflix-ին»,-ասել են ընկերությունում։
Անդրեասյանի և Քեշիշյանի ֆիլմերից բացի վաճառվել են նաև Մարս մեդիայի» Ալեքսանդր Կիրիենկոյի «Իվանովները», Թաիսիա Իգումենցևայի «Թագուհին» կատակերգությունը, Կոնստանտին Ստստսկու «Հրամայված է՝ ոչնչացնել»։
Ֆիլմերը հասանելի կլինեն Ռուսաստանի և ԱՊՀ երկրների համար։
Սարիկ Անդրեասյանի ռուս-հայկական արտադրության «Երկրաշարժ» ֆիլմը պատմում է 1988 թ. դեկտեմբերի 7-ին Հայաստանում տեղի ունեցած երկրաշարժի մասին: Ֆիլմում նկարահանվել են Կոնստանտին Լավրոնենկոն, Մարիա Միրոնովան, Դանիիլ Իզոտովը, Արտյոմ Բիստրովը, Հրանտ Թոխատյանը, Սոս Ջանիբեկյանը, Միքայել Պողոսյանը, Տաթև Հովակիմյանն ու Վիկտոր Ստեփանյանը:
Քեշիշյանի «Շնորհակալություն հայրիկ» կինոնկարը լիրիկական կոմեդիայի ժանրում նկարահանված ֆիլմ է։ Գլխավոր դերակատարուհին Նյու Յորքից Քրիստա Մարիա Դոնարգոն է, գլխավոր դերերում են Միքայել Պողոսյանը, Վիգեն Ստեփանյանը, Լևոն Հարությունյանն ու այլք:
