Հոլիվուդյան դերասան Ուիլ Սմիթը հայտարարել է Ամերիկյան կինոակադեմիայից դուրս գալու մասին։ Նա ափսոսանք է հայտնել «Օսկարի» 94-րդ մրցանակաբաշխությանը տեղի ունեցած միջադեպի համար, երբ հարվածել էր վարողին իր կնոջ մասին կատակի համար։
«Ես դրժեցի Ակադեմիայի վստահությունը։ Ես զրկեցի մյուս դափնեկիրներին և հաղթողներին տոնելու և իրենց նշանակալի աշխատանքի համար շնորհավորանքներ ստանալու հնարավորությունից։ Այսպիսով, հրաժարվում եմ Կինեմատոգրաֆիական արվեստների և գիտության ակադեմիայի անդամությունից և կընդունեմ բոլոր հետևանքները, որոնք Խորհուրդն անհրաժեշտ կհամարի»,-ասվում է դերասանի հայտարարության մեջ, գրում է Deadline-ը։
«Օսկարի» 94-րդ մրցանակաբաշխության ժամանակ Ուիլ Սմիթը հարվածել էր արարողությունը վարող Քրիս Ռոքին իր կնոջ՝ Ջեյդա Փինքեթ-Սմիթի սանրվածքի հասցեին, նրա կատակի համար։ Փինքեթ-Սմիթը սափրել էր գլուխը հիվանդության պատճառով։ Ավելի ուշ Սմիթը ներողություն էր խնդրել Ռոքից։ ԱՄՆ Կինոակադեմիան կարգապահական հետաքննություն էր սկսել։ Ուիլ Սմիթն «Օսկարի» է արժանացել «Արքա Ռիչարդ» ֆիլմում Տղամարդու լավագույն դերակատարման համար։
