ՀՀ բանկերում դոլարի փոխարժեքը շարունակում է նվազել:
Ըստ Rate.am-ի, հունիսի 23-ի՝ ժամը 18։01-ի դրությամբ դոլարի առքի նվազագույն գինը 401 դրամ է, վաճառքինը՝ 410 դրամ։ Դոլարի վաճառքի առավելագույն գինը 414 դրամ է։
Հունիսի 21-ի համեմատ դոլարն արժեզրկվել է 2․28 դրամով։
Եվրոն բանկերում գնվում է նվազագույնը 417 դրամով, վաճառվում՝ 432 դրամով։ Եվրոյի վաճառքի առավելագույն գինը 441 դրամ է։ Հունիսի 21-ի համեմատ եվրոն արժեզրկվել է 3.70 դրամով
Ռուբլին ամրապնդվել է՝ առքի նվազագույն գինը 6.51 դրամ է, վաճառքինը՝ 7.73։ Ռուբլու վաճառքի առավելագույն գինը 8.16 դրամ է։
Դոլարի և եվրոյի փոխարժեքը ՀՀ շուկայում կտրուկ բարձրացել էր Ուկրաինայում պատերազմի առաջին օրերին՝ մեկ դոլարի փոխարժեքը 525-535 դրամ էր։ Մարտի 15-ին դոլարը վաճառվում էր առավելագույնը 515 դրամով։