Ռուսաստանի և Իրանի նախագահներ Վլադիմիր Պուտինն ու Էբրահիմ Ռայիսին քննարկել են Լեռնային Ղարաբաղի շուրջ ստեղծված իրավիճակը և Հայաստանի և Ադրբեջանի միջև հարաբերությունների կարգավորումը, հայտնում է Կրեմլի մամուլի ծառայությունը։
«Կարծիքների հանգամանալից փոխանակում է տեղի ունեցել Լեռնային Ղարաբաղի շուրջ ստեղծված իրավիճակի և Ադրբեջանի ու Հայաստանի միջև հարաբերությունների կարգավորման շուրջ»,–ասվում է հաղորդագրության մեջ, գրում է ՌԻԱ Նովոստին։
Նշվում է, որ ՌԴ նախագահը տեղեկացրել է զրուցակցին ՌԴ խաղաղապահ զորակազմի գործունեության, այդ թվում՝ «Լեռնային Ղարաբաղի խաղաղ բնակիչներին հումանիտար օգնության, հայ բնակչության իրավունքների և անվտանգության պաշտպանության մասին»։
Պուտինն ու Ռայիսին հետաքրքրություն են հայտնել «3+3» հարթակի (Ադրբեջան, Հայաստան, Վրաստան, Ռուսաստան, Իրան, Թուրքիա) ակտիվացմամբ:
