ՀՀ նախկին վարչապետ Հրանտ Բագրատյանի դեմ քրգործ է հարուցվել։ Այդ մասին նա հայտնել է ֆեյսբուքյան իր էջում։

«Սիրելի ֆեյսբուքյան հանրություն, մամուլի ներկայացուցիչներ։ Տեղեկացնում եմ ձեզ, որ ՀՀ իշխանություններն իմ դեմ քրեական գործ են հարուցել։ Այդ գործով առաջին դատական նիստը կկայանա 2023թ նոյեմբերի 10-ին ժամը 16։00»,–ասվում է գրառման մեջ։

Նա դիմել է ԶԼՄ ներկայացուցիչներին` նշելով, որ եթե ցանկանում են մանրամասներ իմանալ, կարող են ներկա լինեն դատական նիստին։

Բագրատյանը մեղադրվում է վարչապետ Նիկոլ Փաշինյանի հասցեին բռնության կոչեր հնչեցնելու մեջ, գրում է «Ա1+»–ը։

Նշվում է, որ կոչերը հնչեցվել են 2023-ի ապրիլի 4-ին՝ ժամը 16:30-ից 18:00-ն ընկած ժամանակահատվածում, Ազգային ժողովի մուտքի դարպասների մոտ «Միասին հասարակական շարժում» կազմակերպության կողմից անցկացվող հավաքի ժամանակ։