Հայաստանի ազգային հավաքականի գլխավոր մարզիչ Ալեքսանդր Պետրակովը Սլովենիայի հետ հունիսի 4–ին կայանալիք ընկերական խաղից առաջ ասուլիսում ասել է, որ թիմը լավ հավաք է անցկացրել և ակնկալում է, որ լավ ստուգողական խաղ ցույց կտան։
«Մեր թիմը լավ հավաք է անցկացրել։ Որևէ դժգոհություն չունեմ տղաներից։ Ակնկալում եմ, որ լավ ստուգողական խաղ ցույց կտանք, որը մեզ հնարավորություն կտա տեսնել ֆուտբոլիստներին, նրանց պատրաստվածությունը և շարունակել նախապատրաստությունը Ազգերի լիգային»,- ասել է Պետրակովը, գրում է Aysor.am-ը։
Նա նաև ասել է, որ հավանում է Սլովենիայի թիմը, դիտել է վերջին խաղը։
«Մարզիչը վաղուց է աշխատում այս թիմի հետ։ Արժանի էին Եվրոպայի առաջնությունում խաղալուն»,–ասել է նա։
Հունիսի 4-ին Հայաստանի հավաքականը Լյուբլյանայում ընկերական հանդիպում կանցկացնի Սլովենիայի թիմի հետ: Խաղը կմեկնարկիԵրևանի ժամանակով ժամը 20:00-ին:
Հունիսի 7-ին հավաքականը ստուգողական խաղ կանցկացնի Երևանում՝ Ղազախստանի հետ: