ՀՀ արտաքին գործերի նախարար Արարատ Միրզոյանը հանդիպել է Եվրամիության որոշ երկրների դեսպանների hետ։ Այդ մասին նա հայտնել է X-ի իր միկրոբլոգում։
«Կարևոր է շարունակել համատեղ ինտենսիվ ջանքերը ԵՄ-ի հետ, քանի որ մենք բանակցություններ ենք սկսում գործընկերության նոր ծրագրի շուրջ։ Այս անգամ կարծիքների օգտակար փոխանակում եղավ Հայաստանում հավատարմագրաված դեսպանների հետ»,–ասվում է գրառման մեջ։
Հունիսի 11-ին և 12-ին Երևանում տեղի է ունեցել ՀՀ-ԵՄ Համապարփակ և ընդլայնված գործընկերության համաձայնագրի շրջանակում ՀՀ-ԵՄ գործընկերության կոմիտեի հինգերորդ հանդիպումը, որի ընթացքում կողմերն անդրադարձել են ՀՀ-ԵՄ գործընկերության նոր օրակարգի շուրջ ընթացող բանակցություններին։ Ծրագիրը նախատեսում է աջակցություն տրամադրել ռազմավարական նշանակության ներդրումներին, մասնավորապես՝ տրանսպորտային, թվային և էներգետիկ փոխկապակցվածության ենթակառուցվածքներին:
