Հունիսի լույս 26–ի գիշերը չվերթերի վայրէջքների հետաձգումը «Զվարթնոց» միջազգային օդանավակայանում պայմանավորված է եղել եղանակային վատ պայմաններով՝ ուժգին քամով։ Այդ մասին ասել է «Զվարթնոց» օդանավակայանի մամուլի խոսնակ Լուսինե Մողրովյանը, տեղեկացնում է Factor.am-ը։

«4 չվերթի հետ է կապված եղել խնդիրը՝ Դոհա-Երևան, Ռիգա-Երևան, Դուբայ-Երևան, Սոչի-Երևան։ Սոչի-Երևան չվերթի ինքնաթիռն ուղևորվել է Թբիլիսիի օդանավակայան, հետո մի փոքր ավելի ուշ վերադարձել է։ Մոսկվա-Երևան չվերթն է մի փոքր ուշացումով վայրէջք կատարել»,- մանրամասնել է նա։

Մամուլի խոսնակը վստահեցրել է, որ «Զվարթնոց» օդանավակայանի բնականոն աշխատանքը վերականգնված է։

Հունիսի լույս գիշեր «Զվարթնոց» օդանավակայանում չէին կարողանում վայրէջք կատարել մի շարք չվերթեր։