Հոկտեմբերի 14-ին Երևանում՝ Առնո Բաբաջանյանի համերգասրահի բեմում, համերգով հանդես կգա Ռեյ Բրաուն կրտսերը (Ray Brown Jr): Նա նշանավոր երաժիշտ և լեգենդար Ռեյ Բրաունի և Էլլա Ֆիցջերալդի որդին է։

Ռեյը Ռոյ Էլդրիջին համարում է իր առաջին երաժշտության ուսուցիչը, ով թույլ է տվել նրան նվագել իր գործիքով: Հաջորդ երաժշտական ուսուցիչներն էին Լուիս Արմսթրոնգը և Ֆրենկ Սինատրան, ովքեր հաճախ այցելում էին Ռեյի և Էլլայի տուն: Ռեյը ձայնագրել է իր դեբյուտային «Slow Down for Love» ալբոմը, որը ներառվել է 2001 թվականի լավագույն ջազ ալբոմների ցանկում:

2018 –ին նա թողարկել է նոր ձայնասկավառակ՝ «This is Ray Brown Jr.»-ը, իսկ 2020 թվականին Ռեյը սկսել է աշխատել իր օրիգինալ ստեղծագործություններով ալբոմի վրա, որը դեռ չի ավարտել։