Բեռլինի 75-րդ միջազգային կինոփառատոնի ծրագրում հայկական ֆիլմ է ընդգրկվել, հաղորդվում է փառատոնի կայքում:

Խոսքը ռեժիսոր Թամարա Ստեփանյանի «Իմ հայ ուրվականները» ֆիլմի մասին է, գրում է Sputnik Արմենիան։

Փառատոնի կայքում ֆիլմի նկարագրության մեջ այն անվանում են «Հետմահու քնքուշ նամակ Թամարայի հորը, որը կինոդերասան է եղել Խորհրդային Հայաստանում»:

Տարիներ առաջ Բեռլինի կինոփառատոնի «Համայնապատկեր» ծրագրում ընդգրկվել էր Միքայել Դովլաթյանի «Լաբիրինթոս» (1996թ․) ֆիլմը:

Բեռլինի 75-րդ կինոփառատոնը կանցկացվի փետրվարին: