Ազգային ժողովում քննարկվում է Երևանի Ծիծեռնակաբերդի խճուղի 5 հասցեում գտնվող մարզահամալիրը մասնավորեցման ենթակա գույքերի ցանկից հանելու և այն ԿԳՄՍ նախարարությանը հանձնելու նախագիծը։
Օրինագիծը ներկայացրել է ԿԳՄՍ նախարար Ժաննա Անդրեասյանը։
Նա նշել է, որ մարզահամալիրը, պահպանելով որպես սպորտային ենթակառուցվածք, հնարավորություն է ստեղծվում սպորտի զարգացման ռազմավարությամբ նախանշված կարևորագույն միջոցառումներ իրականացնել:
«Մարզահամալիրը լայն հնարավորություններ ունի, այդ թվում՝ ննջարանային մասնաշենք, որը նախատեսված է մոտ 60 հոգու համար, և մարզադահլիճներ, որոնցից մեկը համապատասխանում է գեղարվեստական մարմնամարզության միջազգային չափանիշներին։ Մյուսը կարող է օգտագործվել այլ մարզաձևերի համար»,– ասել է Անդրեասյանը։
Նա հավելել է, որ, պահպանելով այս տարածքը, հնարավորություն ենք ստանում կազմակերպելու ուսումնամարզական հավաքներ և միջազգային մրցաշարեր։
Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի անդամ Ջուլիետա Ազարյանը ներկայացրել է նախաձեռնության վերաբերյալ հանձնաժողովի դրական եզրակացությունը:
