Փաստաբան Ռուբեն Մելիքյանը, ով հասարակական-քաղաքական գործիչ Էդգար Ղազարյանի հետ գտնվում էր Քննչական կոմիտեում, հայտնել է, որ Ղազարյանին մեղադրանք է առաջադրվել, որը կարող է հանգեցնել մինչև 5 տարվա ազատազրկման։ Նա այդ մասին գրել է ֆեյսբուքյան իր էջում։

Դատական նիստը տեղի է ունենալու փետրվարի 22-ին Մասիվի դատարանում։ Որոշվելու է խափանման միջոցը։

Ղազարյանն իր ֆեյսբուքյան էջում գրել է, որ նման անմիտ քայլերով ու գործողություններով ոչ թե հնարավոր է իրեն լռեցնել, այլ՝ ճիշտ հակառակը։

«Մենք միասնաբար հաղթելու ենք հայրենիքի գողին ու իր հանցախմբին ու ազատագրելու ենք մեր երկիրն իրենց կեղտոտ, արյունոտ, մահաբեր ճիրաններից»,–գրել է նա։

Ավելի վաղ Էդգար Ղազարյանը հայտնել էր, որ իրեն հրավիրել են Քննչական կոմիտեի Երևանի քննչական վարչության ծանր հանցագործությունների քննության բաժին՝ հարցաքննության։