ԱՄՆ կառավարության աշխատանքի արդյունավետության բարձրացման վարչության (DOGE) ղեկավար Իլոն Մասկը առաջինն է սուպերմիլիարդատերերի ցուցակում, որտեղ ընդգրկված է ընդամենը 24 մարդ ամբողջ աշխարհում։ Այd մասին հաղորդel է The Wall Street Journal-ը՝ հղում անելով Altrata վերլուծական ընկերության տվյալներին։

Փորձագետների կարծիքով, կարելի է խոսել գերկարող մարդկանց նոր կատեգորիայի ձևավորման մասին՝ սուպերմիլիարդատերերի, որոնց կարողությունը կազմում է առնվազն $50 միլիարդ։ Altrata-ն այդ ցուցակում ընդգրկել է 24 մարդու ամբողջ աշխարհից, գրում է ՏԱՍՍ–ը։

Ցուցակի առաջին տեղում է SpaceX, Tesla և X ընկերությունների ղեկավարը՝ Իլոն Մասկը, որի կարողությունը գնահատվում է $419․4 միլիարդ։ Երկրորդ հորիզոնականում է Amazon-ի հիմնադիր Ջեֆ Բեզոսը ($263.8 միլիարդ), իսկ երրորդը՝ LVMH-ի սեփականատեր Բերնար Առնոն ($238.9 միլիարդ)։ Շարունակում են ցուցակը Oracle-ի ղեկավար Լարի Էլիսոնը ($237 միլիարդ) և Meta-ի գլխավոր տնօրեն Մարկ Ցուկերբերգը ($220.8 միլիարդ)։

Ընդհանուր առմամբ, 24 սուպերմիլիարդատերերի կարողությունը կազմում է $3.3 տրիլիոն, ինչը համադրելի է Ֆրանսիայի անվանական ՀՆԱ-ի հետ, նշում է Altrata-ն։ Ցուցակի 16 անդամ $100 միլիարդից ավելի կարողություն ունի։

Եթե 19-րդ դարում և 20-րդ դարի սկզբին ամենահարուստ մարդիկ արդյունաբերողներ էին, ապա այսօր նրանց մեծ մասը կարողությունը ստեղծել է տեխնոլոգիական ոլորտում։