Մահացել է Ռուսաստանի ժողովրդական արտիստ Բեդրոս Կիրկորովը։ Նա 92 տարեկան էր։

Հոր մահվան մասին հայտնել է երգիչ Ֆիլիպ Կիրկորովը Telegram-ալիքում, հայտնում է ՌԻԱ Նովոստին։

«Ես այլևս երեխա չեմ։ Այսօր՝ 2025 թվականի մարտի 18-ին, ժամը 15:37-ին, կյանքից հեռացավ իմ հայրը՝ Ռուսաստանի ժողովրդական արտիստ Բեդրոս Կիրկորովը, բայց դու երբեք չես լքի իմ սիրտը», — գրել է արտիստը։

Բեդրոս Կիրկորովը ծնվել է 1932 թվականի հունիսի 2-ին՝ Վառնայում, հայ ընտանիքում՝ հայրը՝ Ֆիլիպ Գրիգորյանը, կոշկակար էր աշխատում, իսկ մայրը՝ Սոֆյա Գրիգորյանն էր։ Ծնողները երգել են քաղաքի հայկական երգչախմբում ու իրենց հետ տարել որդուն։ Կիրկորովն ազգանունը Կրիկորյանից փոխել է Կիրկորովի բուլղարական դպրոց ընդունվելու համար։