Վայոց ձորի և Սյունիքի մարզերի տարբեր վթարավտանգ ճանապարհային հատվածներում իրականացվում են աղմկոտ գոտիների տեղադրման աշխատանքներ, հայտնում է «Ճանապարհային դեպարտամենտ» հիմնադրամը։

Նման գոտիներ տեղադրվել են նաև Մ-2 միջպետական մայրուղու որոշ հատվածներում, մասնավորապես՝ Կապան քաղաքով անցնող հատվածներում, որոնք հարակից են ուսումնական հաստատություններին և պոտենցիալ վտանգավոր են համարում հետիոտների համար։

Աղմկոտ գոտիները, վիբրացիա առաջացնելով, ստիպում են վարորդներին նվազեցնել երթևեկության արագությունը և բարձրացնել ուշադրությունը՝ այսպիսով ապահովելով հետիոտների անվտանգությունը։

Աշխատանքները տարվում են ճանապարհների ընթացիկ ամառային սպասարկման շրջանակներում։