Հայաստանի պաշտպանության նախարարությունը հերքել է Ադրբեջանի ՊՆ ապատեղեկատվությունը, ըստ որի՝ ապրիլի 18-ին, ժամը 22:35-ին, ՀՀ ԶՈւ ստորաբաժանումներն իբր կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ։

«Ադրբեջանի ՊՆ հաղորդագրությունը, թե իբր ապրիլի 18-ին՝ ժամը 22:35-ի սահմաններում, ՀՀ ԶՈւ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը»,–ասվում է հաղորդագրության մեջ։

Միևնույն ժամանակ, նախարարությունը հիշեցվել է, որ ՀՀ վարչապետի աշխատակազմն առաջադրել է Հայաստան-Ադրբեջան համատեղ մեխանիզմի ստեղծում՝ կրակի դադարեցման ռեժիմի խախտումների և/կամ այդ խախտումների վերաբերյալ տեղեկատվության համատեղ քննության նպատակով, սակայն Ադրբեջանը դեռևս չի արձագանքել այդ առաջարկին։

Հայաստանի Հանրապետության պաշտպանության նախարարությունը վերահաստատել է, որ ՀՀ վարչապետի աշխատակազմի դիրքորոշմանը համապատասխան՝ պատրաստ է հետաքննել Ադրբեջանի ՊՆ հաղորդագրությունը հիմնավորող փաստերը՝ դրանք ՀՀ-ին փոխանցելու պարագայում։

Մարտի 16–ից սկսած Ադրբեջանի ՊՆ–ն օրը մի քանի անգամ ապատեղեկատվություն է տարածում իբր հայկական կողմից արձակվող կրակոցների մասին։ Հայաստանի ՊՆ–ն հետևողականորեն հերքում այդ հայտարարությունները։ Բաքվի ապատեղեկատվությունը հերքել է նաև ԵՄ դիտորդական առաքելությունը։