Կառավարությունը 234 մլն դրամ է հատկացրել «Երկրապահ կամավորականների միություն» ՀԿ-ին՝ ապահովելու համար գործունեության անխափան ընթացքը։

Հիմնավորման մեջ նշված է. «Հաշվի առնելով, որ «Երկրապահ կամավորականների միություն» ՀԿ-ն համագործակցում է ՀՀ պաշտպանության նախարարության հետ, օժանդակում է նրա առջև դրված խնդիրների կատարմանը, ՀՀ զինված ուժերի համար դաստիարակում և պատրաստում է ապագա զինվորներ, նախագծի ընդունմամբ հնարավորություն կստեղծվի ապահովել ՀԿ-ի 2025 թվականի գործունեության իրականացումն ամբողջ ծավալով»։

Այս որոշումը թույլ է տվել կառավարությանը հաստատել ֆինանսական աջակցությունը՝ ԵԿՄ-ի 2025 թվականի աշխատանքները լիարժեքորեն իրագործելու համար։