«Հայաստան» խմբակցության ներկայացուցիչ Քրիստինե Վարդանյանը հայտարարել է, որ «Հայաստան» խմբակցությունը պատրաստ է քննարկել «Պատիվ ունեմ» խմբակցության իմպիչմենտի առաջարկը։

«Առիթ չեմ ունեցել լսելու «Պատիվ ունեմ»-ի իմպիչմենտի առաջարկը, բայց խնդիր չկա։ Մենք ենք առաջինը հայտարարել այդ մասին 2022-ի օգոստոսին։ Եթե կա առաջարկ, բաց ենք և պատրաստ ենք քննարկել, ինչպես բոլոր շարժումների ընթացքում ենք բաց և պատրաստ եղել»,-Ազգային ժողովում ճեպազրույցների ժամանակ ընդգծել է պատգամավորը, հայտնում է Aysor.am-ը։

Նրա խոսքով՝ իրենք այս գործընթացը դիտարկում են որպես իշխանության փոփոխության հնարավոր ուղիներից մեկը, ինչը լիովին համապատասխանում է իրենց քաղաքական տեսլականին։

«Դա իշխանափոխության գործիքներից մեկն է, և մեր պատկերացմամբ էլ փողոցային շարժման փուլերից մեկն է, եթե որևէ առաջարկ կա, ինչպես միշտ, պատրաստ ենք քննարկել»,-հավելել է Վարդանյանը։