Վարդանյան․ Իշխանությանը մեղադրում ենք ոչ թե Բաքվի ու Անկարայի հետ բանակցելու, այլ նրանց բոլոր պահանջները կատարելու համար
ԱԺ «Հայաստան» խմբակցության պատգամավոր Քրիստինե Վարդանյանը խորհրդարանական ճեպազրույցների ժամանակ նշել է, որ իրենք իշխանությանը չեն մեղադրում Թուրքիայի և Ադրբեջանի հետ բանակցությունների փաստի համար, այլ նրանց բոլոր պահանջները կատարելու համար, հայտնում է «Փաստինֆոն»։
«Հայաստանում որևէ անհատ, որևէ քաղաքական ուժ որևէ ուժի չի մեղադրում Թուրքիայի և Ադրբեջանի հետ բանակցություն վարելու մեջ: Երբեք չի եղել նման մեղադրանք՝ ո՛չ նախկին նախագահներին, ո՛չ ներկաներին։
Մեղադրանքն այն չէ, թե ինչու են բանակցում Թուրքիայի և Ադրբեջանի հետ: Մեղադրանքն այն է, թե ինչու են նրանց բոլոր նախապայմանները կատարում, ինչու են միակողմանի զիջումներ իրականացնում»,–ասել է նա։
