Բերքլիի ադրբեջանցի ուսանողները խոչընդոտել են 2020թ․պատերազմի մասին ֆիլմի ցուցադրությանը
Լրագրող Լինդսի Սնելի ֆեյսբուքում հրապարակած տեղեկության համաձայն՝ Կալիֆորնիայի Բերքլիի համալսարանի իրավաբանական ֆակուլտետում սովորող ադրբեջանցի ուսանողները ձախողել են ֆիլմի ցուցադրությունը, որը նախատեսված է եղել Հայոց ցեղասպանության հիշատակին նվիրված միջոցառման շրջանակում։
Ֆիլմը վերաբերել է 2020 թվականի Արցախյան պատերազմին։
Ցուցադրությունը, ինչպես նշել է Սնելը, չեղարկվել է մասնավորապես այն բանի պատճառով, որ դրա բովանդակությունը ներառել է «ցեղասպանության մեղադրանք»։
«Սա նման կլիներ մի իրավիճակի, եթե որևէ գերմանական լրատվամիջոց տոներ Հոլոքոստի մասին ֆիլմի ցուցադրության չեղարկումը»,–գրել է Սնելը։
Սնելը հավելել է, որ ԱՄՆ-ն պաշտոնապես ճանաչել է Հայոց ցեղասպանությունը 2021 թվականին։
