Աշխատանքի և սոցհարցերի նախարարի 3 տեղակալ վերանշանակվել է, 1-ն՝ ազատվել
Աշխատանքի և սոցհարցերի նախարարի տեղակալի ժամանակավոր պաշտոնակատարներ Աննա Ժամակոչյանը, Դավիթ Խաչատրյանը և Տաթևիկ Ստեփանյանը վերանշանակվել են նախարարի տեղակալի պաշտոնում։
Վարչապետ Նիկոլ Փաշինյանը ստորագրել է համապատասխան որոշումները։
Մեկ այլ որոշմամբ՝ նախարարի տեղակալի ժամանակավոր պաշտոնակատար Ռուբեն Սարգսյանն ազատվել է զբաղեցրած պաշտոնից։
Օգոստոսի 27–ին ՀՀ նախագահ Վահագն Խաչատուրյանի հրամանագրով աշխատանքի և սոցիալական հարցերի նախարար է նշանակվել Արսեն Թորոսյանը: «Քաղաքացիական պայմանագիր» խմբակցության պատգամավոր Արսեն Թորոսյանն ավելի վաղ հրաժարականի մասին գրավոր դիմում էր ներկայացրել ԱԺ նախագահին:
