Թուրքիան այն երկիրն է, որտեղ միշտ եղել են ազգայնամոլական տրամադրություններ եւ այդ համատեքստում բարդ է խոսել հայ-թուրքական հարաբերությունների կարգավորման մասին: Այդ մասին Երեւանում կայացած մամլո ասուլիսում հայտարարել է «Նորավանք» գիտակրթական կենտրոնի փորձագետ, թրքագետ Ռուբեն Մելքոնյանը: «Թուրքիան բնակչության զգալի մասը ազգայնական հայացքներ ունի: Տեղական ինքնակառավարման մարմինների վերջին ընտրությունների արդյունքները ցույց տվեցին, որ ազգայնական ուժերի կողմնակիցների բանակն ավելանում է»,-ասել է փորձագետը: Ռ.Մելքոնյանը հիշեցրել է, որ նման տրամդրություննեի պատճառով է, որ Անկարան որոշեց տեղափոխել Հայաստան-Թուրքիա պատասխան ֆուտբոլային խաղի անցկացման վայրը, տեղափոխելով այն Կսյսերիից Բուրսա:

«Պետք է հաշվի առնել, որ թուրքական սահմանամերձ քաղաքներում` Կարսում, Իգդիրում, մեծաթիվ ադրբեջանցիներ են բնակվում, եւ չի բացառվում, որ սահմանի բացման դեպքում, այստեղ կարող են խնդիրներ առաջանալ»,-ասել է փորձագետը:

Խոսելով հայ-թուրքական հարաբերությունների կարգավորման հնարավորությունների մասին, Ռ.Մելքոնյանը կարծիք է հայտնել, որ մինչեւ պատասխան ֆուտբոլային խաղը թուրքական դիվանագիտությունը որոշակի քայլմ կանի դեպի Հայաստան:--ԿԱ--