ՀՀ առողջապահության նախարար Հարություն Քուշկյանն ընդունել է ռուսական “Intersystems” ընկերության ներկայացուցիչներ Վիկտոր Աբրահամովին և Վլադիմիր Օստրովսկուն: Ինչպես PanARMENIAN.Net-ին են հայտնել առողջապահության նախարարության մամլո ծառայությունում, հյուրերը նախարարին են ներկայացրել “Intersystems” ընկերության գործունեությունը, մասնավորապես էլեկտրոնային առողջապահության ոլորտում ընկերության ձեռքբերումները, առաջարկվող լուծումները, ինչպես նաև Հայաստանում դրանց ներդրման հնարավորությունները:
Նախարարը հետաքրքրվել է, թե կոնկրետ Հայաստանում ըստ իրենց որտեղից պետք է սկսվի տեղեկատվության թվայանացումը և ինչ կտա դա համակարգին, հատկապես որ ոչ ամբողջական, բայց մասնակի առողջապահության համակարգում շրջանառվող տեղեկություններն արդեն իսկ թվայանացվում են: Բուժհաստատություններից դեպի նախարարություն եկող տեղեկատվական հոսքերը վաղուց թվայանցվում են: Հիշեցնենք, որ առողջության պահպանման առաջնային օղակում այս տարվանից գործում նոր համակարգ` յուրաքանչյուր հաճախման դեպք ներանցվում է համակարգիչ, բացի այդ բժշկի ազատ ընտրության ծրագիրը ևս իրականացում է համակարգչային հատուկ ծրագրի միջոցով:
Հարություն Քուշկյանը, կարևորելով էլեկտրոնային առաղջապահության համակարգի լիարժեք ներդրումը, համապատասխան ստորաբաժանումների ղեկավարների հետ քննարկում է ծավալել վերոնշյալ թեմայի շուրջ և պատասխանատուներին հանձնարարել ստեղծել մի ծրագիր, որը հնարավորություն կտա բարելավել համակարգի գործունեությունը և ամբողջացնել առկա տեղեկությունները մեկ համակարգի մեջ:
