Լևոն Հայրապետյանը ցավակցական հեռագիր է հղել Ադրբեջանի սամբոյի ֆեդերացիայի նախագահին
Հայաստանի սամբոյի ֆեդերացիայի նախագահ Լևոն Հայրապետյանը ցավակցական հեռագիր է ուղարկել Ադրբեջանի սամբոյի ֆեդերացիայի նախագահ Ջեյխուն Մամեդովի անունով` 16-ամյա մարզիկ, Եվրոպայի սամբոյի չեմպիոն Միխայիլ Օրուջևի մահվան կապակցությամբ:
Հիշեցնենք, որ Օրուջևը խեղդվել էր Վրաստանի Դմանիսի շրջանում, ուր անց էին կացվում Վրաց-ադրբեջանական բարեկամության օրեր: Պաշտոնական արարողությունից հետո մի քանի տղաներով ուղևորվել են մերձակայքում գտնվող լիճ և որոշել լողալով անցնել մյուս ափը, ինչը, ցավոք, Օրուջևին չի հաջողվել:
«Հայաստանի սամբոյի ֆեդերացիան ցավակցում է Միխայիլի հարազատներին, ընկերներին, Ադրբեջանի սամբոյի հավաքականի մարզիկներին, մարզիչներին և մարզական հասարակայնությանը». նշված է հեռագրում:
