Թուրքիայի վարչապետ Ռեջեփ Թայիփ Էրդողանն այցով Ռուսաստան կմեկնի 2011 թվականի գարնանը: Այդ մասին հայտնել է Թուրքիայի ԱԳ նախարար Ահմեդ Դավութօղլուն:
Նրա խոսքով` այս այցի ժամանակ ընթանում է Ռազմավարական ծրագրման ռուս-թուրքական համատեղ խմբի երկրորդ նիստը: «Ես վստահ եմ, որ այդ համագործակցությունը կընդլայնի մեր հարաբերությունները Ռուսաստանի հետ և դրանք նոր մակարդակի կհասցնի»,- հայտնել է նախարարը:
ՌԴ ԱԳ նախարար Սերգեյ Լավրովը հինգշաբթի օրը ժամանեց Թուրքիա, որպեսզի մասնակցի Ռազմավարական ծրագրման ռուս-թուրքական համատեղ խմբի առաջին նիստին:
Ռուս-թուրքական համագործակցության հարցերի քննարկման համար հրապարակը ստեղծվեց 2010 թվականի մայիսին` Անկարայում ՌԴ նախագահ Դմիտրի Մեդվեդևի և Թուրքիայի վարչապետ Ռեջեփ Թայիփ Էրդողանի միջև կայացած բանակցությունների արդյունքում: Մեխանիզմը գործում է նույն ժամանակ ստեղծված Գերագույն մակարդակի համագործակցության խորհրդի շրջանակներում և ուղղված է քաղաքական, առևտրատնտեսական և մշակութային ոլորտներում հարաբերությունների ամրապնդմանը, գրում է ՌԻԱ Նովոստին:
