Հայաստանի Առաջադիմական կուսակցությունը միավորվել է «Բարգավաճ Հայաստան» կուսակցության հետ, որը մտնում է ՀՀ կոալիցիայի կազմի մեջ: Այդ մասին X արտահերթ համագումարում հայտնեց կուսակցության նախագահ Տիգրան Ուրիխանյանը: «Ողջ գործունեության ընթացքում մենք ձեռնպահ ենք մնացել ծայրահեղականությունից և պոպուլիզմից: 2007 թվականի խորհրդարանական ընտրություններից հետո կուսակցության գործունեությունը պասիվացավ, և որպես առանձին քաղաքական ուժ մենք չենք կարող լուրջ արդյունքների հասնել: Այդ իսկ պատճառով մենք որոշեցինք միավորվել «Բարգավաճ Հայաստան» կուսակցության հետ: «ԲՀԿ»-ն միակ կուսակցությունն է, որը կատարում է ստանձնած պարտավորությունները»,- ասել է Ուրիխանյանը:
Համագումարին ներկա էին 947 պատվիրակներ, ինչպես նաև «ԲՀԿ» ներկայացուցիչներ` կուսակցության նախագահ Գագիկ Ծառուկյանի գլխավորությամբ:
