ՀՀ Կրթության և գիտության նախարարությանն առընթեր Տեխնիկական ստեղծագործության հանրապետական կենտրոնի Տիեզերագիտական ակումբը ՀՀ ԳԱԱ Բյուրականի աստղադիտարանի հետ համատեղ ապրիլի 11-ին Բյուրականի աստղադիտարանում կանցկացնի միջոցառում` նվիրված Յուրի Գագարինի կողմից իրականացված առաջին տիեզերական թռիչքի 50-ամյա հոբելյանին: Միջոցառմանը կմասնակցեն Երևանի մի շարք /հիմնականում` մասնագիտացված/ դպրոցների մոտ 40 աշակերտ, ուսուցիչներ և աստղագետներ: Միջոցառման ծրագիրն ընդգրկում է հանդիպում աստղադիտարանի ղեկավարության հետ, Գագարինի թռիչքի մանրամասների մասին պատմող Ավետիք Գրիգորյանի համակարգչային փաստագրական ցուցադրությունը, հարց ու պատասխան, շրջագայություն Բյուրականի աստղադիտարանում (2.6մ աստղադիտակ, Վ.Հ. Համբարձումյանի տուն-թանգարան), ծանոթություն ՀՀ ԿԳՆ Տեխնիկական ստեղծագործության հանրապետական կենտրոնի Տիեզերագիտական խմբակի գործունեության հետ: Մասնակիցներին տեղափոխող ավտոբուսը Բյուրական կմեկնի ՀՀ Գիտությունների ազգային ակադեմիայի մոտից ապրիլի 11-ին առավոտյան ժամը 9:30: