23.02.2001. ՄԵԴԻԱՄԱՔՍ, ԵՐԵՎԱՆ.Ադրբեջանի նախագահ Հեյդար Ալիեւը, հանդես գալով Միլի մեջլիսում, միանշանակ հայտարարել է, որ ԵԱՀԿ Մինսկի խմբի առաջարկներց եւ ոչ մեկը չի համապատասխանում Ադրբեջանի շահերին:
Ինչպես հաղորդում է ՄԵԴԻԱՄԱՔՍ-ը` վկայակոչելով ադրբեջանական գործակալությունները, Ալիեւը հայտարարել է, որ եթե Ադրբեջանը համաձայներ «ընդհանուր պետության» մոդելին, ապա կկորցներ վերահսկողությունը Լեռնային Ղարաբաղի նկատմամբ: Ադրբեջանի նախագահը դժգոհություն է հայտնել նաեւ միջնորդների այլ առաջարկների վերաբերյալ, ընդգծելով, որ դրանք չեն կարող լինել ղարաբաղյան հակամարտության կարգավորման հիմք: Ալիեւը հայտարարել է, որ երբեք չի ստորագրի Ադրբեջանի ազգային շահերին հակասող խաղաղ համաձայնագիր: Եթե հայտնվի որեւեէ կոնսենսուսային առաջարկ, ապա այն կներկայացվի հասարակության քննարկմանը, ասել է Ադրբեջանի նախագահը: --0--