Մայիսի 13-ին՝ ժամը 06.29-ին ահազանգ է ստացվել, որ Գյումրի քաղաքի Ղորղանյան փողոցի թիվ 122 տան առաստաղը ինքնափլուզվել է, ներսում կան տուժածներ և անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, մարզային փրկարական վարչության փրկարական ջոկատը եվ օպերատիվ խումբը:
Տեղում պարզվել է, որ ինքնափլուզվել է հյուրասենյակի առաստաղը (մոտ 12 քմ մակերեսով), որի հետևանքով արգելափակվել է միակ ելքը: Փրկարարների կողմից պատուհանից դուրս են բերվել 1949թ.ին ծնված Ռուզաննա Հովակիմյանը , 1948թ.-ին ծնված Մարգո Նահապետյանը, 1945թ.-ին ծնված Սամվել և 1974թ.-ին ծնված Ռուդիկ Խաչքարյանները:
Փրկարարական աշխատանքներն ավարտվել են, տուժածներ չկան:
1988 թվականի դեկտեմբերի 7-ի ավերիչ երկրաշարժից հետո Սպիտակ և Գյումրի քաղաքների շատ շենքեր մինչև այսօր գտնվում են աղետալի վիճակում, ինչի հետևանքով պարբերաբար դժբախտ պատահարներ են լինում:
