Ինչպես հաղորդել է ռուսական «Սիբիր» ընկերությունը, օգոստոսի 6-ից ավիափոխադրողը մտադիր է կանոնավոր թռիչքներ իրականացնել Մոսկվա-Քութայիսի չվերթով:
Թռիչքները կիրականացվեն շաբաթական երկու անգամ՝ երեքշաբթի և շաբաթ օրերին:
Հիշեցնենք, որ ուղիղ ավիահաղորդակցությունը Ռուսաստանի ու Վրաստանի միջև դադարեցվել էր 2008թ. օգոստոսին, այն բանից հետո, երբ Վրաստանը ռազմական գործողություններ սկսեց Հարավային Օսեթիայում: Դրանից հետո Թբիլիսիի ու Մոսկվայի միջև ՌԴ տրանսպորտի նախարարության թույլտվությամբ չարտերային թռիչքներ է իրականացրել միայն Georgian Airways-ը:
Ինչ վերաբերում է «Սիբիրին», ապա այն դարձավ առաջին ռուսական ավիաընկերությունը, որը դիմեց Վրաստանի միասնական տրանսպորտային վարչությանը՝ առաջարկելով չարտերային թռիչքներ կատարել երկու երկրների միջև և ստացել է թույլտվություն, հաղորդում է «Գրուզիա օնլայնը»:
