2011թ. վերջում Ռուսաստանը կընդունի ԱՊՀ երկրների ոչ պաշտոնական գագաթաժողովը
2011թ. վերջում Ռուսաստանը կընդունի ԱՊՀ երկրների ոչ պաշտոնական գագաթաժողովը: Այդ մասին Դուշանբեում հայտարարել է ՌԴ նախագահ Դմիտրի Մեդվեդևը:
«Ես ուրախ կլինեմ տեսնել ԱՊՀ բոլոր ղեկավարներին ընթացիկ տարվա ավարտին Մոսկվայում՝ կազմակերպության 20-ամյակին նվիրված ոչ պաշտոնական գագաթաժողովում: Առաջիկայում ԱՊՀ երկրների ոչ պաշտոնական գագաթաժողովի հրավերները կտարածվեն դիվանագիտական կանալներով»,-ասել է Մեդվեդևը՝ ելույթ ունենալով Դուշանբեում ԱՊՀ երկրների ղեկավարների խորհրդի նիստում, հայտնում է «ՌԻԱ Նովոստի» գործակալությունը:
Սեպտեմբերի 3-ին Դուշանբեում տեղի է ունեցել ԱՊՀ երկրների ղեկավարների գագաթաժողովը:
