Ինչպես կարծում է վրացի գործարարԲիդզինա Իվանիշվիլին, որը որոշել է քաղաքականությամբ զբաղվել չնայած Հարավային Օսեթիայի հետ հակամարտությանը, Վրաստանի համար Ռուսաստանի հետ հարաբերությունների վերականգնումն անխուսափելի է։ Ինչպես հաղորդում է «Նովոստի Գրուզիան», գործարարը նման կարծիք է հայտնել Reuters գործակալությանը տված հարցազրույցում։

«Սահակաշվիլու անմիտ գործողություններից հետո Ռուսաստանը կատարել է էլ ավելի չմտածված գործողություն։ Եվ սարսափելի ագրեսիայի արդյունքում Վրաստանի տարածքի գրեթե 20 տոկոսը «բռնազավթվել է»։ Բայց, չնայած դրան, մենք պետք է սկսենք վերականգնել հարաբերությունները Ռուսաստանի հետ, որոնցում, հուսով եմ, Եվրոպան և Ամերիկան կզբաղեցնեն համապատասխան դիրքորոշում»,- հայտարարել է Ւվանիշվիլին։

Վրաստանի ամենահարուստ մարդկանցից մեկը՝ Բիդզինա Իվանիշվիլին, հոկտեմբերի 7-ին հայտարարել է իր ընդդիմադիր քաղաքական կուսակցությունը ստեղծելու մտադրության մասին։

Իվանիշվիլին 2011-ի հոկտեմբերի 11-ին Վրաստանի նախագահ Միխայիլ Սահակաշվիլու հրամանով զրկվել է քաղաքացիությունից այն բանից հետո, երգ իշխանություններն իմացել են, որ նա Ֆրանսիայի քաղաքացի է։

55-ամյա գործարարն ունի 5,5 մլրդ դոլար և Forbes տվյալներով աշխարհի միլիարդատերերի ցուցակում զբաղեցնում է 185-րդ տեղը։