Նոյեմբերի 4-ին Թումո ստեղծարար տեխնոլոգիաների կենտրոնում կանցկացվի բաց դասախոսություն «Ի՞նչ է 3D պրոեկցիան» թեմայով։ Դասախոսությունը կվարի 3D նկարիչ և մուլտիմեդիա դիզայներ Լորիս Մովսիսյանը Նիդերլանդներից։

Այս մասին հայտնում է Թումոյի Facebook-յան էջը։ Լորիս Մովսիսյանը անմիջական մասնակցություն է ունեցել Թումոյի բացման միջոցառման 3D պրոկեցիայի ստեղծման աշխատանքներին։

Դասախոսության մուտքն ազատ է Թումո-ի բոլոր ուսանողների համար, այդ թվում նրանց, ում դասերը դեռ չեն սկսվել։

Թումոն ստեղծարար տեխնոլոգիաների կրթական կենտրոն է բոլոր այն պատանիների համար, ովքեր հետաքրքրություն ունեն արվեստի և տեղեկատվական տեխնոլոգիաների հանդեպ: Կենտրոնը ստեղծվել է Սիմոնյան կրթական հիմնադրամի նախաձեռնությամբ։ 2 փուլից բաղկացած ծրագրի ընթացքում պատանիները սովորում և մասնագիտանում են անիմացիայի, խաղերի ստեղծման, կայքերի մշակման և թվային մեդիայի ոլորտներում։